مرض الجدة يصيب الاطفال
صفحة 1 من اصل 1
مرض الجدة يصيب الاطفال
مرض الجدة يجي للاطفال اقل من سنتين
وهو عبارة عن حبة تظهر في حلق الرضيع تلاحضونها عند تلمس حلقه باصبععكم فتجدون حبة تشبه حبة القمح طويلة
ومن علامتها ان الرضيع يصاب بالحمى والاسهال والقي ولايفيده العلاج بالدواء ويقولون حينها انه عليه ان تعلاجه احدى العجائز الخبيرات في هذاالمرض
وهو عبارة عن حبة تظهر في حلق الرضيع تلاحضونها عند تلمس حلقه باصبععكم فتجدون حبة تشبه حبة القمح طويلة
ومن علامتها ان الرضيع يصاب بالحمى والاسهال والقي ولايفيده العلاج بالدواء ويقولون حينها انه عليه ان تعلاجه احدى العجائز الخبيرات في هذاالمرض
رد: مرض الجدة يصيب الاطفال
حكاية منقولة
في الشرق نسميوه " الجدات" ليس أم الأم أو أم الأب و نقولو على الولد كي يمرض انو "شم" . و هو مرض خطير يقدر حتى يقتل.
المهم بلا ما نطول عليكم نحكيلكم حكاية بنتي كي مرضت بيه ,,, كان عمرها اربع اشهر جاها اسهال حاد و قئ و ارتفاع شديد في الحرارة شربتلها الأدويه لكن ما فيش فايدة .. كي شافوها اصحاب الخبرة "العجايز " طبعا قالولي الطفلة راهي شامة .... و بديت نتفكر من واش شمت واتفكرت كي رحت لدارنا دارولي سلاطة فيها خيار وجابولي اللحم نتاع العرس و كانت بنتي في طرفي و من بعد يومين بدات الأعراض تظهر ... اديتها للطبيب نتاع الاطفال عطاني الدواء الخاص بالاسهال و القئ و الحرارة و الاملاح قالي عسيها مليح من الحرارة و الجفاف و حبسيلها الحليب لانها كانت ترضع حليب اصطناعي ... وليت نطيب الجزر و نرحيه في الميكسار و نمدلها ترضع ,, الصراحة الجزر حبسلها الاسهال لكن القئ و الحراره بقاو. عاودت رجعتها للطبيب قالي ما نقدر نديرلها والو شوفي كاش عجوز تسلتلها يعني اداويها .
عيطت لزوجة عمي ربي يطول في عمرها .. جاتني في الصباح جابت معاها القطران و قاتلي جيبي الطفلة و جيبيلي حبة بصلة ,, قطعت حبة البصلة الى قطع و دارت فيها القطران و تمسح بيه فم بنتي و من بعد تقيات بنتي و من هذيك رتاحت و الحمد لله.
و في خضم هذه المعاناة كنت نديرلها عشبة " المريوت " هي عشبه مره جدا نعصرها في فنجان و نشربهالها بالملعقة باش نخفضلها الحرارة لكن المشكل انها كرهت الملعقة و منين نجي نوكلها الاكل تفحم من البكاء وليت نطيب حساء الخضر و نديرولها في الرضاعة باش ترضعو... و ضرك في عمرها عامين و نص و لحد الان ما تكلش..... حبيت نقولكم انتبهو و ما تستهزاوش
مواضيع مماثلة
» كيفية تنويم الاطفال
» كيف تجعلون الاطفال اقل من 5سنوات ينامون باكرا
» سؤال بخصوص حليب الاطفال بعمر سنة الى5سنوات
» كيف تجعلون الاطفال اقل من 5سنوات ينامون باكرا
» سؤال بخصوص حليب الاطفال بعمر سنة الى5سنوات
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى